ليلة الدخلة ماذا حدث معي وماذا فعلت



ملاحظة اتمنى قرائتها بتمعن وبهدوء


فكيت الطرحة ومسحت دموعي 

ودخلت الحمام اخدت دوش ع سريع 
طلعت ولبست بيجامة بكم وبنطلوون ودخلت تحت الحاف وتغطيت منيح...بعد ٥ دقايق فات احمد على الغرفة 
اخد بيجامة وطلع نام برا ع الكنباية ...
فقت الصبح على زغاريط برا وصوت امي ..
دخلت بسرعة عالحمام وغيرت تيابي ولبست قميص العروس وحطيت شوية مكياج وطلعت...
امي : بسم الله مشاءالله قمر يا امي تعي بووسك الف مبرووك حبيبتي  .
غنى : الله يبارك فيكي امي 
احمد :رح انزل شوي ع سوبرماركت خدو راحتكم 
امي :الله معك حبيبي 
موضوع يهمك:

طلع احمد من البيت وخفت كتير لانو كنت عارفة انو امي ما رح تتركني بحالي ولح تبلش اسئلة 
امي : شو طمنيني امي كيف كانت ليلتك 
غنى : منيحة امي الحمدالله 
امي :شو يعني مشي الحال 
غنى : اي امي الحمدالله 
امي : الحمدالله شفتي كيف يا امي والله ابن عمك مافي منه صحيح عمك ومرت عمك عقاارب بس والله اولاد عمك ما في متلهم وجوزك اولهم ..
غنى : امي انا وافقت على الجواز كرمال ابي وانتي بتعرفي انو بلال ما بحبني ولا انا بحبو ونحنا لتنين انجبرنا على هالجواز كرمال ابي وعمي يتصالحو وترجع شركاتهم مع بعض مش هيك امي ...
امي : يا بنتي لما الرجال بتحكي النسوان بتنفذ ونحنا ما النا حكم ..هيك نصيبك امي ...ديري بالك ع جوزك وما تخليه يحتاج شي ما بدنا مشاكل مع ابوكي الله يرضى عليكي ..

موضوع يهمك: طلاقي من زوجي - ساعدوني ماذا افعل انا محتارة

حكت هالكلمتين وودعتني وراحت ..وانا قعدت وصرت ابكي على حظي اتجوزت بالغصب ابن عمي كرمال العادات والتقاليد كرمال النفوذ والمصاري ... فات احمد وكان جايب معو اغراض كتير فات ع المطبخ وصار يحط الاغراض بالتلاجة ..
غنى :بدك مساعدة
احمد :لا شكرا ما بدي عذبك 
غنى : لامافي عذاب لح اعمل فطور انا 
احمد :......
عملت فطور وقعدنا نفطر انا وياه مع بعض ما حكينا اي كلمه بس  كنت مبسوطة وانا عم باكل جنبو ...خلصنا فطورنا وقمت اجلي وزبط البيت ..سمعت صوت احمد بينادي..
تركت كل شي ورحت 
احمد :لو سمحتي ممكن تعمليلي فنجان قهوة وتيجي منشان نحكي 
غنى :حاضر 
رحت عملت القهوة وايديي عما يرجفوو ما بعرف ليش 
غليت القهوة وفارت على الغاز ورجعت عملت وحدة جديدة
ورحت كان قاعد وايديه على عيونه بس شافني عدل حالو ..
احمد : يسلمو ايديكي 
غنى :وايديك 
احمد :خلينا نحكي شوي هلأ انا بعرف انو نحنا إنغصبنا على الجواز وانو انا وانتي ما كنا موافقين صح 
غنى :اي صح 
احمد : بس هلأ انتي مرتي وحاملة اسمي ولازم تصوني اسمي واسمك ..لح نتفق انا ويااكي اتفاق 
لح نعيش انا وياكي تحت سقف واحد على الحلوة والمرة وعد اني ما هينك ولا إجرحك لح تكوني ست البيت ولح خليكي تكملي جامعتك ووعد اني ما لح ألمسك لح نعيش منمثل انو متزوجين وبعد ٦شهور  سنة منتطلق منشان ماحدا يجيب بسمعتك بأية كلمة ..وهالاتفاق بينا ماحدا لازم يعرف فيه حتى اهلي واهلك لح نمثل انو مبسوطين....لح اتركك تفكري هلأ وبعد ما فيق من النوم بتعطيني رايك ...
فكرت كتير بكلام احمد ما بعرف ليش كنت حاسة اني الطرف الضعيف المكسور يلي لازم يقبل بأية شي حتى بعد ما نتطلق انا يلي لح اخسر الكل لح يحكي عني مطلقة....
بكيت كتير وانا عم فكر وافق ولا ارفض بس ما كان في مجال للرفض لانو انا الست انا الجانب الضعيف بالموضوع ..
دق باب بيتي قمت بسرعة مسحت دموعي وتكحلت وفتحت الباب كانت مرت عمي امو لأحمد 
ام احمد : شو كنتي بدك ٥ ساعات لتفتحي الباب 
غنى :اهلين مرت عمو  ...انا كنت بس 
احمد :اهلين امي 
ام احمد : اهلين حبيبي كان نفسي زغلطلك وقلك مبرووك بس شو بدنا نعمل الله يسامحو ابوك ...

اجا احمد جنبي وحضني وحط ايدو على خصري وقال لامو 

احمد : زغلطلي امي وباركيلي غنى ما في منها وانا مبسوط كتير ....
انصدمت مرت عمي وتطلعت فيني من فوق لتحت ...
ام احمد : برافو ست غنى عرفتي تضحكي عليه بسهولة فكرتك مغصوبة عالجازه بس الظاهر انتي وامك يلي مخططين للموضوع منشان توقعوا ابني ...
تركتهم ودخلت غرفتي وغرقت بدموعي ..
كنت سامعة كل الاهانات وكل الكلام بس ما كنت قادرة احكي ولا كلمة وكان احمد عم يدافع عني ويقلها انا بحبها ومافي منها... بقيت مرت عمي شي ربع ساعة تغلط وتنق عليي وعلى امي واحمد يدافع وانا غرقانة بدموعي ..
بعد ٥ دقايق ... فتح احمد الباب ودخل معو صينية اكل فيها اكل عرسان وحلوياات ....كان شي بشهي كتير 
احمد : يلا غنى رح اعتبرك عروسه واخدمك انا اليوم شو رأيك .
غنى:.......
احمد :ليش عم تبكي 
غني :.....
احمد: انا اسف والله امي طيبه بس هي كان نفسها تفرح فيي و...
غنى :وانا ما كان نفسي افرح يعني اصلا انا الخسارنه الوحيده من كل هالجازه ....
احمد :طيب اسف خلص حقك عليي اسف على كل كلمه سمعتيها من امي انا دافعت عنك والله لانك انت ما دخلك..
مسحلي دموعي بايديه وتطلع فيني نظره كلها حنان  ومسك المعلقه وطعماني لقمه بتمي ..حسيت قلبي بيرتعش عيونو حلوين ايدو حنونه جسمي بيرتعش ....تغدينا انا وياه وسألني عن الاتفاق اذا موافقه او لأ قلتلو اني موافقه واتفقنا على كل شي وكيف نتعامل وكل واحد يخبر التاني شو بصير معو  واتفقنا نعيش مع بعض اصدقاء وبس 
اول اسبوع كان احمد ماخد اجازه وما بروح ع شغلو كنت طول الوقت فوق في بيتي كانت علاقتي باحمد منيحه كتير نفكر سوا ونتغدا نتفرج ع تلفزيون سوا نحكي سوا واخر الليل كل واحد منا ينام بغرفه ما كنا نشوف حدا ابدا .....اول اسبوع كان حلو مافي مشاكل وكنت حاسه بأمان ومشاعر متلخبطه ....
صحيت من نومي لقيت احمد طالع ع شغلو وكاتبلي ورقه ع تلاجه.... انا طلعت بكير وما رضيت فيقك ديري بالك ع حالك ولو صار معك شي كلميني ..استغربت من محتوى رساله فطرت وضبيت بيتي ونزلت عند مرت عمي ....دقيت الباب فتحلي سلفي الصغير سألتو وين مرت عمي خبرني انها لساتها نايمه دخلت المطبخ وحطيت القهوه ع نار مافي دقيقه كانت مرت عمي بوجهي ...
ام احمد :شو عم تعملي شو حطيتي بالقهوه شو بدك تسحريني متل ما سحرتي ابني ولك فشرتي انتي وامك بتفكريني مابعرف انو ابني مسحور ولك انا يلي بعرف انقلعي من بيتي ما تدخليه ابدا 
غنى :والله العظيم ما حطيت شي اقسم بالله انتي فاهمه غلط انا قلت بعمل قهوه بتكوني صحيتي ومنشربها سوا ...

✍✍   2 ✍✍


ام احمد: ولك فشرتي تضحكي عليي بفنجان قهوه وتصاحبيني شوفي انتي غريبه عني بتفوتي هالبيت ضيفه وبتطلعي ضيفه ممنوع تمسكي شي بالاكل ممنوع تعملي القهوه انا ست البيت فهمتي ست غنى ولا مفكره حالك اذا اخدتي ابني بدك تاخدي بيتي كمان لا يا حبيبتي وهلأ انقلعي اطلعي لفوق ..

غنى  : حاضر مرت عمو 
طلعت على بيتي وبكيت كتير بكيت ٣ ساعات عينيي تورمو 
على ٣ظهر انفتح باب بيتي واجا احمد بس سمعت صوتو ركضت على الحمام غسلت وجهي وحطيت شويه مكياج لاخفي ورم عيوني ..
احمد : غنى انتي هون 
غنى : اهلين يعطيك العافيه 
احمد: لك ليش هيك عينيك شو إشبك
غنى :مافي شي 
احمد: نحنا شو إتفقنا 
غنى : حكتلو كل يلي صار وحلفتلو انو ما حطيت شي بالقهوه ..
احمد: حقك عليي معليش بكره بتعرف وبتفهم كل شي ما تهتمي ولا تزعلي اولها صعب 
مسحلي دموعي ونزلنا نتغدا انا وياه تحت قعد جنبي احمد وكان عم يطعميني بايدو ويحط بصحني الاكل ....
عمي : الحمدالله انكم مبسوطين يا ولاد انا هلأ واللهي انبسطت انشالله دايمه 
غنى : صحه وهنا عمي 
قام عمي ينام بعد الغدا 
وبقينا على السفره مرت عمي وانا واحمد وسلافي التلاته 
مرت عمي :شو احمد بدك اغضب عليك انت وعدتني انك تتجوز منى بنت خالك شو غرقت بالعسل ونسيت الوعد 
حسيت حالي اختنقت وحسيت قلبي صار متل الجمر 

احمد: امي شو هالحكي انتي عرضيتها عليي وانا اخترت بنت عمي.. ومسك ايدي 

ايمن سلفي :شو امي عندو غزال يبدلو بقرد 
اسعد سلفي : امي ادعي الله يستر عليها لمنى اي نمرودة وشايفة حالها على شو ما بعرف 

كريم سلفي الصغير : زنخه 

عصبت  مرت عمي وقاامت 
لملمت السفره وجليت الجلي وزبطت المطبخ وطلعت على بيتي 
كان احمد قاعد على لاب توب اول ما شافني طفااه مشيت على الغرفه ...
احمد :غنى تعي نحكي شوي 
غنى :معليش تعبانه كتير وبدي نام 
احمد:خلص على راحتك رح انزل شوي وبس ارجع منحكي 
بكيت كتير لحتى قدرت نام ....
صحيت على ايد حنونه عم تلعب بشعراتي ...
احمد: اناا...طولتي وانتي نايمة فيكي شي عم بيوجعك شي 
غنى : تعبانه بدي امي 
احمد : شو عم بيوجعك 
غنى : بدي امي 
احمد :الساعه هلاء ١١ونص حرام هلأ اكيد بتكون نايمه 
احكيلي انا شو عم بيوجعك 
غنى : جسمي بوجعني عيوني بوجعوني قلبي عقلي كل شي بوجعني انا تعبت احمد ليش هيك بصير معي انا شو ذنبي لك بشو انا غلطت ...
احمد: خلص روقي قومي البسي نطلع شوي ونلف عالبحر ناكل بوظه...
غنى :عنجد 
احمد :اي يلا البسي وانا ناطرك تحت ...
البست بسرعة ونزلت بس اول ما نزلت ع درج لقيت مرت عمي بخلقتي 
ام احمد : شو يا بعدي لوين رايحه 
غنى :انااا...احمد ناطرني تحت 
ام احمد : عم تكذبي كمان شو يا فاجرة طالعه لحالك على ل١٢ بالليل بتتسحبي 
غنى : والله يا مرت عمي احمد قلي البسي وانزلي ..
احمد : شوفي امي خير 
ام احمد: شوف مرتك الفاجرة لوين رايحة على١٢ بالليل وبسألها بتكذب 
احمد : عيل يا امي شو هالحكي انا مرتي مافي منها انا كنت ناطرها بالسياره ولما تأخرت نزلت شوفها 
ام احمد : ولوين رايحيين 
احمد : بدنا نروح ناكل بوظه 
ام احمد : اي خلص رح البس واجي معكم انا واخوك اسعد 
استنا ٥ دقايق ..
 طبعا طلعنا كلنا سوا وانا كنت كأني مش موجودة مرت عمي تحكي وتضحك وتبرم عليي وتسب على امي وانا ساكته ودمعتي حبستها ورجعنا على البيت 
احمد : غنى تعي نحكي 
غنى : انا تعبانه وبدي نام 
تصبح على خير 
الصبح كان يوم الجمعه ..
وكان احمد اجازه 
صحيت لقيت لفطور ع تخت ...
احمد : يسعد صباحو الزعلان 
غنى : وصباحك 
احمد : جهزتلك الفطور على تخت شو رأيك بالدلال بيطلعلي كون عريس .....
غنى : اي صح بيطلعلك نيالها فيك منى
احمد :وشو دخل منى 
غنى: ما رح تصير مرتك بس نطلق 
احمد : انتي شو عم تحكي ولك انا منى ما بطيقها ولو بدي اتجوزها لتحديت الدنيا واخدتها 
غنى : طيب لكان ليه ما اتحديت الدنيا وما اخدتني 
احمد:  خلصي فطورك عشان نطلع يلا 
غنى : لا لا انا اطلع معك بعد امبارح مستحيل 
احمد: حتى لو بدنا نروح عند اهلك 
غنى :شوووووو 
احمد : افطري والبسي بسرعة قبل ما امي تصحا انا مادخلني 
ركضت على احمد وحضنتو وبستو على خدو 
حسيت قلبي وقف وخجلت كتير بس عنجد كان انسان بجنن طيب حنون ما شفت منو شي عاطل 
كان حضني احمد بقوه وما بدو يتركني ....
غنى : شو رح نتاخر 
احمد : في وقت خليكي بحضني 
غنى : احمد 
احمد : ريحتك حلوه كتير متل ريحة المسك 
باسني على جبيني وتركني ...
لبست ع سريع وقلبي بيدق بسرعه وجسمي بيرتعش نزلنا ع درج ومسكلي ايدي وفوتنا صبحنا على عمي ومرت عمي وخبرهم احمد انو رايحين عند اهلي وطلعنا 
وصلت عند اهلي ..
امي :لك يا مية اهلا وسهلا بالعرسان 
غنى : حضنتها ونزلو دموعي كنت كتير مشتاقلها 
ابي : اهلا وسهلا بالحلوين 
غمرتو بقوه لاني كنت بعيده عنو اخر فتره وكنت حاسه انو رماني كرماال النفوذ والفلوس 
قضينا نهار بجنن عند اهلي كنت مبسوطه كتير احمد كان طول الوقت ماسك ايدي وبطعميني وبغازلني قدامهم 
امي :ديري بالك ع جوزك والله مافي منه عيونه عما تلمع لمع 
غنى : احمد بعيوني امي 
طلعنا من عند اهلي ورحنا قعدنا على البحر 
احمد : بتتذكري لما كنا  نروح على بيت جدو ونلعب سوا 
غنى : اي بتذكر كنت حب العب مع ابن خالتي محمد وانت كنت تخانقني 
احمد : كان دمو تقيل ونحنا صغار 
غنى : اي ولهلأ دمو تقيل 
احمد: يعني ما بتحبيه انتي 
غنى : اناا لا طبعاا نمرود وشايف حالو عشانو دكتور 
احمد: طيب وانا 
غنى : .....
احمد: غنى اسمعي لو انا ما بدي ياكي كان ما اخدتك 
غنى : شو عم تحكي انت انا بعرف انك مغصوب على هالجواز وانك كنت بدك بنت خالك منى
احمد: كنت بعرف اني لح اخدك انتي وما كنت حب منى 
انا حبيت وانا بعمر ال٦ سنين عروس حلوه بتشبه الشمس اجت ع دنيا نورت بيت عمي يلي كان بيستنى الخلفه ١٠ سنين جيتي انتي بعد ١٠ سنين نورتي كل المنطقة كان الكل فرحان فيكي وحتى انا مع اني كنت صغير بس بتذكر كيف وانتي صغيره وقت يلي حملتك ومسكت ايديك ضليتك ماسكتيها وما تركتيها وكبرتي يوم بيوم قدام عيني كنت اعشق ضحكتك وقت ما كان ايمن اخي يضربك كنت اضربو وتزعل امي مني وتقلي هيدا اخوك كنت دافع عنك ..........
للحصول علي الجزء التاني علقي ب20 ملصق
الجزء التالت وماقبل الاخير 

كنت دافع عنك طول الوقت من ونحنا صغار لليوم 

غنى انتي هون بقلبي من وانتي صغيره ...
غنى : احمد انت بتمزح معي صح بتمثل عليه والاتفاق الي اتفقنا عليه 
احمد : انا حكتلك على الاتفاق حتى طمنك اني ما رح المسك حتى ارجع شوف الضحكه من جديد ع وشك حتى اشوف عيونك من غير دموع الاتفاق لسه متل ماهو بس لو خليتك تحبيني متل ما بحبك رح نلغي الاتفاق ونعيش متل اي زوجين مبسوطين شو رايك 
غنى : ليش ما حكتلي هادا الكلام من قبل 
احمد: انا متى شفتك لحتى احكيلك ؟؟؟يوم كتب لكتاب كنت مبووزه غير شكل ما عرفت كلمك وما شفتك بعدها الا يوم العرس وتركتيني ونمتي ...
غنى : يعني انا كيف رح اعيش معك من بعد اليوم انا كنت بفكرك انك  متلي ما بدك اياني وانو رح نطلق بس هلاء انت بدك اياني ....
احمد : فكري فيها منيح اول شي ابعدي فكره انو غصبونا على الجيزه اعتبرينا احنا اخترنا بعض 
غنى : بس انا ما اخترتك 
احمد : واعتبرينا انو نحن هلاء مخطوبين  ...
غني : يعني انت ب..
احمد: اي بحبك ورح استناكي لحتى تحبيني 
كنت مصدومه من الكلام معقول احمد بحبني معقول ....
رجعنا على البيت اخدت دوش ولبست بجامه زهر وفلتت شعراتي طلعت من باب الحمام لقيت احمد بوجهي 
احمد: حمام الهنا 
غنى : الله يهنيك 
احمد : بدك تنامي 
غنى : اي وانت 
احمد : اي بستناكي
غنى : تصبح على خير 
احمد :وانتي من اهلو 
طلع احمد برا الغرفه ودخلت تحت للحاف انا دقيقتين وكان احمد جمبي ع تخت 
احمد : بدي نام جمبك 
غنى : شو والاتفاق 
احمد : تعبت من نومه الكنبه وضهري بجعني كل واحد بنام على طرف التخت 
غنى : بالله شو عم تمزح استاذ احمد 
احمد : والله بحكي جد 
نمنا انا وياه بنفس الغرفه وبنفس التخت وفقت الصبح كنت بحضنو ما بعرف كيف .....
صرنا انام كل ليله بنفس الغرفه ونضحك ونحكي سوا قبل ما انام ويحطني احمد بحضنو وانام كنت مبسوطه كتير وقلبي عم يخفق بقوه وكل ليله كان احمد يستناني البس قميص العرايس وانا لحد هاللحظه ما لبستو بس عنجد يوم عن يوم كنت حبو بشخصيتو بحنانو بعطفو عليه كنت حس انو اخويا الي ربنا ما اعطاني اياه كان حبنا طاهر شريف 
بس لسه خايفه سلمو حالي خايفه يتغير بعد ما ياخد كل اشي مني خايفه تصير حياتنا ممله زي كل المتجوزين رجعت ع جامعه وبطلت شوفها لمرتعمي ااالاا بالمناسبات بس طبعا ما كنت خلصانه من لسانها وغلطها عليه وعلى امي ...
غمرني احمد كتير عند الباب وباسني على خدي وطلع على شغلو ....ضبيت البيت ..وكنت دايخه كتير ومعدتي بتجعني ما قدرت روح على الجامعه نزلت عند دار عمي وشفتني مرتعمي دايخه وبستفرغ ...
ام احمد : شو بدك تجبيلي حفيد منك انا ما بدي عملتيها وحبلتي لحتى تتمكني .....
غنى : الظاهر اخد برد مرتعمي 
ام احمد : اي ما بدك تحكيلي انك حامل خايفه احسدك لا تخافي ما بحسد عندي اربع اولاد مو متل امك جابتك وماعرفت تجيب غيرك ...
غنى : مرتعمي انا بردانه مش اكتر 
ام احمد : اي روح ارتاحي فوق ببيتك
طلعت على بيتي تسطحت شوي ١٠ دقايق وكان احمد عندي 
احمد : انتي حامل غنى 
غنى : احمد جاي بكير 
احمد : سئلتك انتي حامل 
غنى : شو عم تحكي انت اكيد جنيت 
مسكني من ايدي ولفها ورا ضهري وقربني لعندو سالتك جاوبي 
غنى : لك ترك ايدي عم توجعني كيف بدي احمل وانت مش ماسكني 
احمد : اي احكيلي انتي كيف يا شريفه بتحبلي وانا لسه ما مسكتك بتخونيني 
غنى : مجنون انت كيف هيك بتحكي 
احمد : مين هو احكي 
غنى : مين هو ...
احمد : الي سلمتيلو نفسك 
غنى : انا مش حامل واترك ايدي بردانه بس 
احمد : والتحليل 
غنى : لك اي تحليل انا ما حللت اصلا مين حكالك اني حللت 
احمد: امي يعني كذابه وليش لتكذب اصلا 
غنى : روح جيب فحص حمل ولو طلعت حامل طلقني ولو ما طلعت حامل بردو بدك اطلقني لانو الي بحب حدا ما بشك فيه وانتي بتتهمني بسمعتي ... 
نزل احمد وجاب فحص حمل وطلعت النتيجه سلبيه ما في حمل 
غنى  شو سكتت 
احمد: انا اسف بس لما امي حكتلي انها جبتلك فحص وطلعتي حامل حسيت برج من راسي طار سامحيني غني 
غنى : طلقني ما بدي عيش معك ولا دقيقه 
احمد : والله انا بحبك وما بستغنا عنك 
غنى : انت كذاب لو بتحبني ما بتطعني بسمعتي وشرفي 
يا خساره كسرتني من جوا هدمت كل الاشياء الحلوه الي بيناتنا 
احمد: برجع ببنيها تاني اعطيني فرصه بس
  غنى : طللقني 
.....
احمد: انا بحبك والله بحبك صارلنا شهرين متجوزين وكل ليله بستناكي تكوني اميرتي وانتي رافضه 

غنى : طلقني 

احمد : انتي كنت عطول تهربي مني ما بدك اياني صرتي بتعرفيني منيح وانا تعبت بدي اياكي وانتي بالمقابل ما بتهتمي ولا حتى عبرتيلي عن اعجابك فيني شكيت انو في حدا تاني بقلبك ولما امي حكتلي انك حامل ومتاكده وسالتها فحصتو وقالت اي حسيت حالي ضعيف وبردان كتير انتي الهوا الي بتنفسو غنى بغار عليكي مجنون فيكي اعطيني حبك وثقتك 
غنى : انت حاليا ما ئلك ولا اي شي في قلبي اذا واحنا لسه بنبني بالحب هدمتو وكسرتو انت واحد مجنون ....رح كمل معك كمان ٣ شهور على الاتفاق الاول وبعدها رح نطلق ...
احمد : بس انا بحبك 
غنى : وانا بكرهك

0 comments

إرسال تعليق